Ruskever og loppemarknad

I dag har eg vore på tur i ruskeveret saman med lisje Almapalmaen min og mormor. Tilfeldigvis opna ein loppemarknad rett i nærleiken akkurat i det vi var ferdig med turen vår.:) Det vart ikkje store utbyttet, men eg fekk med meg heim ei nydeleg lita sukkerskål (I tillegg til superheltdrakt til fire-åringen og teikneseriar i same kategori til sju-åringen, ja og forresten to permar Alt om handarbeide frå 70-talet :). Det var no kanskje ikkje so verst. Men eg er no alltid på leit etter retrosengesett eller gardiner, og når eg ikkje finn det vert eg litt skuffa..

Men så er eg so heldig å ha veninner som tenker på meg! Dette fine stoffet skal eg lage ei nål av til mi vakre og fargeglade veninne. Ho har nålene mine i dei fleste fargar og ville gjerne ha ei til som ho kunne bruke til brunt. Dette stoffet fekk eg også av henne. Og dette  ♥ Ha ei god haustferieveke alle saman ♥

Byttehandel

For litt tilbake inngjekk eg ein byttehandel med Hilde Iren (MONOme).
Rett før ferien fekk eg desse nydelege smykka i posten.:) I tilleg til smykka eg hadde bestillt, fekk eg øyrepynt som passa til!
Gjett om eg er fornøgd! Tusen takk Hilde Iren.:)
På det nederste bildet ser du det Hilde Iren fekk frå meg.
(Koppen du ser på biletet er og eit resultat av ein byttehandel. Den er laga av Ingeborg Rørvik Lejon som driv Mekko i Volda. Eg fekk denne og ein kopp i turkis, tilbake fekk ho ei tovaveske. Men det byrjar bli ei stund sidan no...)

Eg ser at eg i løpet av ferien har passert 10 000 besøkande. Det er også omtrent eit år sidan eg starta her på bloggen min. Eg synest difor det er på tide med ein giveaway.:) Eg treng berre litt tid på meg fyrst..
Så hald augene opne i tida framover.:)