Hjarter

No er eg endelig i gang med å sy igjen. Har hatt meg
ein lang pause frå symaskina etter jul.. Det har vorte meir
toving og strikking i det siste.
I dag såg desse hjarta dagens lys. Kanskje vert det fleire
før eg eg må vidare til andre gjeremål..

Ny kåpe med knappar frå Snella og Petronella

Eg har friska opp kåpa mi med desse nydelege knappane
frå Snella og Petronella. Hua mi skal også få seg litt pynt,
men eg er ikkje heilt sikker på korleis den vert sjåandes
ut enda.
Knappane har eg kjøpt på Krukkehuset. Takk Aina,
for den gode ideen!

Fri som fuglen...

For nokre veker sidan var Krukkedamene på besøk hjå
Veronica på Hide gard og glasdesign i Gjerdsvika.
Der fekk vi prøve å lage kvar sin fugl i glas. Det var
ei kjempeoppleving som freistar til gjentaking! Her
er min vesle fugl. Han fekk nokre fargar som ikkje var
heit planlagde, men er er godt nøgd.
Dette vil eg absolutt anbefale andre å prøve!

Ha ei god helg!

Ny nål & ny giv

Denne nåla såg dagens lys for nokre veker sidan,
men har ikkje vorte heilt ferdig før no. Etter å ha
hatt nokre veker med 'ferie' kjenner eg at
skaparlysta pressar på igjen. Det vart mykje
før jul, og meir skal det bli, berre ikkje so intenst.

Godt å vere i gong igjen!

Nye nåler av gamal morgenkåpe

Nye englar på veg til Krukkehuset

Og endå ein..

Ein liten smakebit til..

Ein liten smakebit..

Her er litt detaljar frå kjolane eg har jobba med
siste månaden. Godt å kome i hamn før jul!

Primaballerina

Fredag skal vi til fotograf og ta bilde av Alma.
Kanskje skal ho ha på seg dette.. skjørtet altso.
Vi må ha noko anna under.Vi får sjå.
Ho er no ganske søt, uansett kva ho har på seg.

Almaengelen vår

Vingar til ein liten engel

Nye nåler

Grøn kjole & 70-tals gardin

Denne kjolen er laga av grøn lin. Ermane og
detaljane er frå ei 70-tals gardin frå min barndomsheim.

Per sine høner...

I dagtidleg hadde Per tatt bilde av hønene eg har laga.
Eg synest eg måtte legge ut bildet. Han er no so flink!
Hønene er ikkje heilt ferdige enda, men det var no
veldig kjekt at storeguten min ville hjelpe meg litt.:)

Ny kjole

Kjolen er i lin med ermar og motiv frå eit gamalt
dynetrekk. Motivet har eg hatt i hovudet ei stund, veit
ikkje heilt kvar eg har det frå, men eg veit at Aina har
mala eit bilete ein gong som liknar.. Det er godt
mogeleg at det er det som har inspirert meg.
Dynetrekket er også frå Aina.

Englar daler ned ... til Krukkehuset

Då er englane mine på plass i Krukkehuset!
Snart kjem dei til blogbutikken også.

Ein engel til

Snart kjem det slike sko til butikken min

Eg har lenge vore tilhengar av desse skoa.
Almaprinsessa har heile 4 par!! Skoa er
supermjuke og utruleg søte.
Eg tek dei inn i størrelsar som passar
frå ca 1 år og opp til ca 2,5 år.
Merket heiter Rileyroos og kjem frå USA

Engel

Eg har lange hatt lyst å lage englar,
men har ikkje vore sikker på korleis
eg ville dei skulle sjå ut. Denne engelen
såg dagens lys i går etter lang tid på
skissestadiet. Den er laga av gamle
sengetrekk og laken. Det kjem nok
fleire av same slaget, no framover mot jul.

Labbe-petter

Denne kjolen vart bestilt av ei veninne, som ville ha ein spesiell kjole som ho skulle gi til systra si. Den skulle vere dus i fargane, og ha eit hundemotiv. Eg laga kjolen i kvit og naturfarga lin. Beina til hunden er i bomull. Øyrene stammar frå eit gamalt dynetrekk. Navnet gav veninna mi kjolen, då ho såg hunden for fyrste gong og kalla han Labbe Petter..

Alma i soppkjole

Her får Alma prøve ein av dei siste
kjolane eg har laga. No er det slutt
på soppstoffet..

Blomekrans

Eg kjøpte denne nydelege kransen i dag på
Krukkehuset. Blomane som heng på er av keramikk.
Den er laga av Gry Nerland, ei
flott dame som lagar dei finaste ting i keramikk.
Kransen passa perfekt på døra vår, og skal få
henge der og ta imot familie og vener.:)

Nye kjolar

Eg fekk ein forespørsel for eit par veker sidan frå ei veninne.
Ho ville ha ein kjole til jenta si på 4 år. Ho valde ut stoff som
ho likte og eg laga to kjolar av dei. Her er
resultatet. Ho valde den rosa, so då vert den
grøne/brune lagt ut for salg snart. Takk for
inspirasjon Kristin! Soppkjolen vart også vurdert,
derfor fekk den vere med på biletet.:)

Skjørt

Eg har eit skjørt frå då eg var lita med bukse under. Synest det var ein utruleg fin ide og har prøvd å overføre den til dette skjørtet. Kjekt at skjørtet ikkje havnar opp under armane. Synest dette vart veldig bra. Må berre justere litt på strekka. Det vart litt vidt både i beina og rundt livet..

Nåler

Eg har lenge tenkt på kva eg skulle gjere med
alle stoffrestane som eg samlar på.. Er dei større
enn ei flis har eg ikkje hjarte til å kaste dei.
Så kom eg på at nokre av dei kunne bli nåler.
Her er nokre av dei og fleire er undervegs.

almaPalma butikken

No er endeleg almaPalma-butikken i drift!
Velkomne inn!
http://almapalmasalg.blogspot.com/

Tomatsuppe

Varm tomatsuppe i loppemarknad-skålene
-deilig når regnet silar ned  ...igjen

Kjolar i det fri...

Eg og kjolane tok ein tur ut idag.
Nydeleg haustsol! Livet er herleg.:)

Ny kjole

Alma i ny kjole rett frå symaskina.
Eg er veldig glad i det fine sengetrekket
som mamma gav til meg. No skal det
bli mykje fint av det.

Smykker frå Amerika

Her er nokre av dei smykka eg kjøpte frå USA.
Dei er laga av ei scrabble-brikke. Desse har eg planar
om å legge ut på bloggbutikken min etterkvart.
Men fyrst må no eg få den i gang..

Loppemarknad

Her er godbitane eg fann i Volda i helga.
































Eg fann ikkje det eg eigentleg såg etter, 
gamle sengeklede med mønster.
Veit ikkje heilt kvar eg skal få tak i slikt.

Men litt anna kjekt var der i allefall.:)  

Om nokon har gamle sengeklede liggande 
som dei ikke bruker, so tek eg gjerne imot. 
Det gjer ikkje noko om det er slete. 
Delar av det kan sikkert brukast likevel.

Ein liten smakebit...

Nokre detaljar frå kjolane eg har holdt på med i det siste.

Knappar

Tonje gav meg tilgang til mora sitt knappeskrin frå 70-talet. Det var utruleg snillt av deg! Tusen takk!
Her er det eg plukka ut. Mange flotte knappar! 

 

Eg elskar knappar så her kosa eg meg skikkeleg!

Fleire kjolar

Her er litt fleire av kjolane eg har laga. Det har vorte litt dei siste vekene og meir er undervegs. Eg har hovudet fullt av idear som vil ut.:) Den som hadde hatt litt meir tid..

Gulruta kjole med grønt favorittstoff 

på armane. Der grøne stoffer kjem 

frå tante Ruth sine gamle putevar. 

Eit heilt nydeleg stoff! 

   

 

Det grønruta stoffet fann eg på loftet 
til mamma og pappa. Mamma er 

tidlegare sydame og har sikkert hatt 

planar for det ein gong. Systera mi 

synest det minte henne om forkleda 

frå heimkunnskapen.. Eg synest det 

vart veldig fint saman med det nye 

raude stoffet eg fann.  

Bilkjolen trur eg kjem til å passe veldig 

fint til ei lita trulte. 

  

  

Soppkjole. Ein av mine haustfavorittar.

 

Detalj frå soppkjolen.

   

 

Den kvite forklekjolen med lilla og blå blomster er laga 

av eit gamalt dynetrekk eg fekk av tante Ruth. 

 

Vendbar forklekjole som er laga av ei 
raud fløyelsskjorte frå ungdomstida 
mi og ein gamal ruta duk

Erteposar

Erteposar er også noko eg synest er veldig morosamt. Her i huset måtte borna ha kvar sin, og dei er ofte i bruk. Dei er laga av gamle og nye stoffrestar, og erter, sjølvsagt. Her er ein del av produksjonen.

 

 

Høne pøne

Ein ting eg har lagamykje av er høner. Eg trur det må vere hundrevis etterkvart. Høner som kan brukast til eggevarmarar eller berre til pynt.
Her er ei lita hønefamilie. 

 

 

Min fyrste blogg

I dag gjer eg noko eg ikkje trudde eg kom til å gjere nokon gong. Eg har opretta min eigen blogg. Eg tenkte det kunne vere kjekt å vise andre noko av det eg driv med. Eg har lenge strikka, hekla og tova, men i det siste har eg teke fram symaskina igjen. Her er litt av resultatet.

Eg elskar dette stoffet som kjem frå tante Ruth sitt gamle putevar. Eg skulle ønske eg hadde metervis av det, men i verkelegheita har eg knapt ein halv...

Eg fall for dette bilstoffet med ein gong eg såg det. Perfekt for ei lita trulte.:)

Hei her er eg

 
Hei!

I dag har eg starta min fyrste blogg. Eg har lenge beundra alle dei fine bloggane som finst på nett, men trudde vel aldri at eg skulle ha ein sjølv. 

Eg er sjølv veldig glad i å lage ting og driv no å syr forskjellig som eg sel på ein lokal butikk som heiter Krukkehuset.

Eg har tidlegare strikka og hekla ein del. Eg driv med toving og er elles glad i å lage det meste.