I helga har vi hatt besøk av ei skjønn veninne frå Oslo.:) Vi har kosa oss meg god mat og vore på bytur der blant anna Krukkehuset stod høgt på lista. Vi har også vore på glaslaging i Gjerdsvika, noko som er like kjekt kvar gong vi er der!
Ikkje gløym blogglotteriet mitt!
Ha ei god veke alle saman.:)
Foto frå Krukkehuset: Bjørg Hofset
Det går fort i svingane her for tida, og bloggen vert litt forsømd. No er det born og jobb som står i fyrste rekke, også prøver eg å sjå på min kjære nokre gongar for dag.. Ellers så prøver eg å få sy litt innimellom, kanskje litt meir enn innimellom! Eg kjenner trykket no fram mot jul, messer og anna eg skal ta del på..
Kjekt å sjå at så menge vil ta del i blogglotteriet mitt.:) Eg har vore innom alle som er med på lotteriet, mange flotte bloggar eg skal sjå nærmare på etterkvart! Og de som ikkje er med enno, heng dykk på.:)
Her ser du litt av det eg har heldt på med dei siste vekene. Det har vorte nokre varmeputer og ei pute som eg skal gi vekk i gåve.
Ha ei fin veke vidare.:)
Eg har lenge skulla stellt i stand eit blogglotteri her på bloggen min, og no endeleg vart det noko av. Eg har runda 15 000 besøkande, eg har passert 50 fyljarar og det er over eit år sidan eg ga meg ut på reisa her i bloggverda. Mykje å feire med andre ord.:)I det siste har symaskina gått utan stans og det har kome til eindel nye nåler. Desse vil snart vere tilgjengelege i Eplabutikken min og på Krukkehuset.
Eg har også laga eit par varmeputer, noko eg vart veldig fornøgd med. Denne har trekk i bomull og innerpute i lin. Det vert nok fleire av denne sorten!
I går melde eg meg på Julegata i Moloveien. Eg har høyrt så mykje fint om denne messa. Den finn stad i Moloveien i Ålesund fyrste søndag i advent, og skal vere utruleg stemningsfull. Gleder meg til å ta del men veit at det kan verte litt hektisk før ei slik messe. Det er derfor symaskina går i eitt no om dagen. Må prøve å lage opp eindel i god tid, slik at eg har litt å selje.
Håper alle får ein fin kveld!
I dag har eg vore på tur i ruskeveret saman med lisje Almapalmaen min og mormor. Tilfeldigvis opna ein loppemarknad rett i nærleiken akkurat i det vi var ferdig med turen vår.:) Det vart ikkje store utbyttet, men eg fekk med meg heim ei nydeleg lita sukkerskål (I tillegg til superheltdrakt til fire-åringen og teikneseriar i same kategori til sju-åringen, ja og forresten to permar Alt om handarbeide frå 70-talet :). 
Men så er eg so heldig å ha veninner som tenker på meg! Dette fine stoffet skal eg lage ei nål av til mi vakre og fargeglade veninne. Ho har nålene mine i dei fleste fargar og ville gjerne ha ei til som ho kunne bruke til brunt. 
