Inspirasjon

Denne veka har vore utruleg fin.:) Eg har hatt flotte dagar på jobb, men det beste av alt var møtet med ei kreativ dame onsdag ettermiddag. Eg har fulgt henne ei stund på bloggen Mola-mo. Onsdag var ho på tur til Ulsteinvik og Krukkehuset, og vi avtalte eit møte der. Du og du kor glad eg er for det!  Vi prata og kosa oss, og i etterkant har eg fløymd over av idear og lyst til å skape. Tusen takk ♥
Nokre av ideane vart sett ut i livet i dag. Eg skulle til Bjørke i dag for å ta bilde i forbindelse med ei motevisning og utstilling eg skal vere med på der, saman med ein gjeng andre kjekke damer.  Dette skjer neste søndag, sjå heimesida til galleri bjørk. Det er Marita Bett Jensen som er pådrivar og som eig denne flotte staden. Eg anbefalar alle som kan til å ta seg ein tur! Fantastisk plass, og ei flotte dame som driv det heile! Sidan mi kjære mor sa ho ville passe lisje-tausa i dag, heiv eg meg rundt i dag tidleg og sydde meg eit skjørt som eg kunne ha på meg på bildet!! Eit par nåler vart det også. Ikkje verst det!
God helg alle saman!